"Барселона" чап қанот ҳимоячиси Алехандро Бальде билан шартнома узайтирилганини расман эълон қилишга тайёрланмоқда.
Ёзда ёш ҳимоячи билан янги шартнома имзоланиши ҳақидаги маълумотлар пайдо бўлди. Нуфузли манбалар Каталония клуби ва Бальде ўртасида оғзаки келишув бўлгани ҳақида хабар беришди ва ҳозир, журналист Фернандо Полонинг хабар беришича, келишув расмийлаштирилиш арафасида. 19 ёшли футболчининг янги шартномаси, кутилганидек, 2028 йилгача мўлжалланган. Яқин кунларда янги шартнома эълон қилиниши мумкин.
Алехандро Бальде жорий мавсумда “Барселона” сафида 55 та ўйинда майдонга тушди.
