"Лацио" вингери Педро Родригес "Атлетико Мадрид" ҳақида ўз фикрини айтди.
Сешанба куни римликлар Чемпионлар лигаси гуруҳ босқичи 1-тур учрашувида ўз уйларида "матрасчилар"ни қабул қилишади.
"Бир пайтлар "Атлетико"га ўтишга яқин тургандим, аммо келишув амалга ошмади. Мен терма жамоада ўйнаганимда доим "Висенте Кальдерон"да ўйнашни ёқтирардим. Ҳа, ҳозир иккала жамоа ҳам энг яхши формада эмас, лекин мухлисларимиз яхши футбол кўришади деган умиддаман”, - дея 36 ёшли испанияликнинг сўзларини келтиради журналист Альфредо Педулла.
Педро "Лацио"да 2021 йилдан бери ўйнаб келмоқда. У аввалроқ “Рома”, “Челси” ва “Барселона”да ўйнаган.
