"ПСЖ" бош мураббийи Луис Энрике журналистлар билан ўз истиқболлари ҳақида гапирди.
Париж гиганти жорий мавсумни яхши бошлагани йўқ, Лига 1да бешта ўйиндан фақат иккитасида ғалаба қозонди.
“Биз унчалик яхши бошламадик, бироқ мен ўйинчиларнинг янги ғояларни қабул қилишини ва уларда муваффақиятга интилишларини кўряпман. Мен улардан мамнунман.
Бу жараён вақт талаб этади, лекин мен кафолат сўрамайман, чунки мен ҳамма нарса қандай ишлашини биламан. Менга вақт беришадими, деб ташвишланмайман. Менинг ишим ўз-ўзидан гапиради, мен ўз усулларимга содиқман. Кўрамиз, ёмон натижалар бўлса нима бўлади", - дея испаниялик мураббийнинг сўзларини келтиради RMC Sport.
