"PSJ" bosh murabbiyi Luis Enrike jurnalistlar bilan o‘z istiqbollari haqida gapirdi.
Parij giganti joriy mavsumni yaxshi boshlagani yo‘q, Liga 1da beshta o‘yindan faqat ikkitasida g‘alaba qozondi.
“Biz unchalik yaxshi boshlamadik, biroq men o‘yinchilarning yangi g‘oyalarni qabul qilishini va ularda muvaffaqiyatga intilishlarini ko‘ryapman. Men ulardan mamnunman.
Bu jarayon vaqt talab etadi, lekin men kafolat so‘ramayman, chunki men hamma narsa qanday ishlashini bilaman. Menga vaqt berishadimi, deb tashvishlanmayman. Mening ishim o‘z-o‘zidan gapiradi, men o‘z usullarimga sodiqman. Ko‘ramiz, yomon natijalar bo‘lsa nima bo‘ladi", - deya ispaniyalik murabbiyning so‘zlarini keltiradi RMC Sport.
