"РБ Лейпциг"да ижара асосида тўп тепаётган "ПСЖ" ярим ҳимоячиси Хави Симонс фаолиятини Англияда давом эттириши мумкин.
ПСВдаги ажойиб мавсумдан сўнг 20 ёшли футболчига Европанинг бир қанча топ клублари қизиқиш билдиришди. Инсайдер Фабрицио Романонинг сўзларига кўра, "Манчестер Юнайтед" бош мураббийи Эрик тен Хаг Симонсни ўз жамоасида кўришни жуда хоҳлаган ва агар Премьер-лига гиганти футболчи "ПСЖ"га ўтишдан бош тортса, у билан музокараларни бошлашга тайёр эди, аммо нидерландиялик футболчи Парижга қайтишга қарор қилди.
Эслатиб ўтамиз, француз клуби ўсиб бораётган юлдузни бор-йўғи 4 миллион евро эвазига сотиб олиш вариантига эга эди.
