"Барселона"нинг ўнг қанот ҳимоячиси Жоау Канселу каталонияликларнинг навбатдаги ўйинида захирада қолдирилиши мумкин.
Португалиялик яқинда Ла Лига доирасида "Бетис"га қарши ўйинда 90 дақиқа майдонда ҳаракат қилиб, гол урди ва жамоасининг 5:0 ҳисобидаги ғалабасига ҳисса қўшди. Mundo Deportivo хабарига кўра, "Блауграна" бош мураббийи Хави Эрнандес сешанба куни Бельгиянинг "Антверпен" жамоасига қарши бўлиб ўтадиган Чемпионлар лигаси ўйинида 29 ёшли футболчига дам бериши мумкин. Ҳимоянинг ўнг қанотидаги ўринни жамоа сардори Серхи Роберто эгаллаши кутилмоқда.
Жоау Канселу жорий мавсум охиригача "Барселона"да "Манчестер Сити"дан ижара асосида ҳаракат қилади.
