"Эмполи" раҳбарияти жамоа бош мураббийи Паоло Занеттини истеъфога чиқаришга қарор қилди. “Рома”дан 0:7 ҳисобида учралган шармандали мағлубият учун клуб раҳбарлари мутахассисни кечирмади.

Sky Sport журналистларининг хабар беришича, клубдан ҳали бу ҳақда расмий хабар берилмаган бўлса-да, томонлар ҳамкорликни тўхтатган. "Эмполи"нинг янги бошқарувчиси Аурелио Андреатзоли бўлиши керак, у аввалроқ жамоа билан ишлаган.

Клуб Италия чемпионатининг янги мавсумини омадсиз бошлади. Жамоа тўртта мағлубият аламини тотиб кўрди, умумий тўплар фарқи 0:12.