Нидерландия терма жамоаси собиқ ярим ҳимоячиси Уэсли Снейдер Симоне Индзаги бошчилигидаги "Интер"нинг ўйини ҳақида гапирди.
"Манчестер Сити"га қарши ўйиндан сўнг, "Интер" ҳар қандай рақибни мағлуб этишга қодир эканини англадим. Клуб мустаҳкам тузилмага эга ва қолган муваффақиятлар Симоне Индзагининг хизматларидир. Клуб яхши трансфер кампаниясини ўтказди. Симоне эски ва янги ўйинчилар ўртасида мувозанатни топди", - дейди футболчи.
Италия чемпионатининг тўртта тури якунларига кўра, миланликлар 12 очко жамғариб, турнир жадвалида биринчи ўринда бормоқда.
