Чоршанба куни Стефан Кунц Туркия терма жамоаси бош мураббийлигидан истеъфога чиққани маълум бўлди.
Туркия терма жамоасининг янги бош мураббийи италиялик мутахассис Винченцо Монтелла бўлади. Журналист Ягиз Сабунчўғлининг ижтимоий тармоқларда хабар беришича, 49 ёшли Монтелла аллақачон Туркия футбол федерацияси билан 3 йиллик шартнома борасида келишиб олган. Италиялик футболчининг тайинланиши яқин кунларда расман эълон қилинади.
Туркия терма жамоаси октябрь ойида навбатдаги ўйинларини – 2024 йилги Европа чемпионати саралаши доирасида Хорватия ва Латвияга қарши ўтказади. Туркия терма жамоаси айни дамда саралаш гуруҳида иккинчи ўринни эгаллаб турибди.