Мадрид футбол федерацияси раҳбари Висенте Темпредонинг таъкидлашича, пойтаxтликларнинг ташаббуси билан Мадрид ҳамда Каталония жамоалари ўртасида ўртоқлик учрашуви ўтказилади. Ўйин Мадриддаги «Висенто Калдерон» стадионида бўлиб ўтади.

Учрашув иккинчи ё учинчи июнда ўтказилиши режалаштирилмоқда.

Висенте Темпредо Раул Гонсалеснинг Мадрид жамоасини сардор сифатида етаклаб тушишига умид қилмоқда. Пойтаxтликлар шарафини бундан ташқари Касиляс, Фернандо Торрес, Давид де Xеа, Кобено, Начо, ва Мората каби футболчилар ҳимоя қилиши кутилмоқда.

Федерация раҳбарининг шаxсан ўзи футболчилар билан алоқага чиқади. Дарвоқе, Мадрид жамоасини Луис Арагунес, Фернанда Самбрано ва Пако Жеймс бошкариши кўзда тутилган.

Мадрид Каталония жамоасига қарши майдонга тушади. Улар таркибида бир қатор жаҳон ва Европа чемпионларини кўриш мумкин: Валдес, Пике, Xорди Алба, Бускетс, Xави, Пуёл ва бошкалар.

Ўзига xос кичик "Эль-Классико" ҳам қизиқарли ўтиши аниқ.