"Бавария" ҳужумчиси Харри Кейн Чемпионлар лигаси илк туридаги ғалабадан кейин "Манчестер Юнайтед"нинг ўйини ҳақида гапирди.
"Тоттенхэм" собиқ футболчиси мюнхенликларга ўз майдонида «қизил иблислар»ни мағлуб этишда (4:3) ёрдам бериб, гол ва голли узатмани амалга оширди.
"Манчестер Юнайтед" жароҳатлар туфайли қийин даврни бошдан кечирмоқда. Лекин бу жамоада ажойиб ўйинчилар кўп, буни бугунги ўйиннинг сўнгги беш дақиқасида кўришимиз мумкин эди. Бироқ, мен "Юнайтед"даги вазиятдан хавотирда эмасман – бор эътиборимни ўзимга қаратганман”, деди "Бавария"нинг англиялик ҳужумчиси TNT Sport телеканалига берган интервьюсида.
