Яқинда Криштиану Роналду 19 миллион евро олмоқчи бўлиб, "Ювентус"ни судга бериши маълум бўлди, португалиялик коронавирус пандемияси пайтида бу маблағдан воз кечди. Бироқ Турин клуби бу ишда ғалаба қозонишига ишончи комил. Бу ҳақда Tuttosport нашри хабар бермоқда.
Хуллас, Роналду бошқа ўйинчилардан фарқли ўлароқ, ҳеч қачон "Ювентус" билан ушбу 19 миллион еврони олишни кафолатловчи шахсий шартнома имзоламаган. "Кекса синьора"нинг адвокатлари фикрича, ушбу шартномасиз Криштиану тўловни талаб қилишга ҳақли эмас.
Бундан ташқари, "Манчестер Юнайтед"га ўтаётганда Роналду қўшимча шартнома имзолади. Унда футболчининг "Ювентус"га қарши ҳеч қандай молиявий даъвоси йўқлиги айтилган.
