Yaqinda Krishtianu Ronaldu 19 million yevro olmoqchi bo‘lib, "Yuventus"ni sudga berishi ma’lum bo‘ldi, portugaliyalik koronavirus pandemiyasi paytida bu mablag‘dan voz kechdi. Biroq Turin klubi bu ishda g‘alaba qozonishiga ishonchi komil. Bu haqda Tuttosport nashri xabar bermoqda.
Xullas, Ronaldu boshqa o‘yinchilardan farqli o‘laroq, hech qachon "Yuventus" bilan ushbu 19 million yevroni olishni kafolatlovchi shaxsiy shartnoma imzolamagan. "Keksa sinyora"ning advokatlari fikricha, ushbu shartnomasiz Krishtianu to‘lovni talab qilishga haqli emas.
Bundan tashqari, "Manchester Yunayted"ga o‘tayotganda Ronaldu qo‘shimcha shartnoma imzoladi. Unda futbolchining "Yuventus"ga qarshi hech qanday moliyaviy da’vosi yo‘qligi aytilgan.
