Юлиан Нагельсманн Германия терма жамоаси бош мураббийи лавозимини эгаллашга имкон қадар яқин турибди.
Нуфузли инсайдер Фабрицио Романонинг ижтимоий тармоқларда хабар беришича, Германия футбол ассоциацияси Нагельсманн билан унинг шартномаси ва маоши борасида принципиал келишувга эришган. 36 ёшли мутахассис кунларнинг бирида Бундестим бошқарувини қўлга олади.
Эслатиб ўтамиз, Юлиан Нагельсманн «Бавария»дан истеъфога чиққанидан кейин март ойи охиридан бери ишсиз эди.
Германия терма жамоаси энди ўз уйида бўлиб ўтадиган Европа чемпионатига тайёргарлик кўрмоқда.
Ўртоқлик ўйинларидаги бир қатор ёмон натижалардан сўнг Ханс-Дитер Флик ишдан бўшатилди.