"Барселона" ярим ҳимоячиси Педри Хави Эрнандес ва Луис Энрике билан ишлаш ҳақида гапирди.
20 ёшли футболчи Каталония клубида Хави қўл остида ўйнайди ва Испания терма жамоасида ҳозирда "ПСЖ" бош мураббийи Энрике билан ишлаган.
"Мен Хавидан аввал қилмаган кўп нарсани ўргандим, аммо ҳозир доим бажаришга ҳаракат қиламан - тўпни қабул қилишдан олдин майдонни кузатаман. Энрикега келсак, у менга майдонда қандай курашишни ўргатди", - деди Педри.
Ярим ҳимоячи “Барселона” сафида 111 та ўйинда майдонга тушиб, 17 та гол урган ва 8 та голли узатмани амалга оширган. Испания терма жамоаси таркибида ёш футболчи 18та ўйин ўтказиб, битта голли узатмани амалга оширган.
