“Ливерпуль” ярим ҳимоячиси Райан Гравенберх “қизиллар” сафида Европа лигаси доирасида ЛАСКга қарши ўйиндаги дебюти ҳақида гапирди. Мерсисайдликлар 3:1 ҳисобида ғалабани нишонлади.
“Мен яхши ўйнадим, лекин баъзида бепарво ҳаракат қилган пайтларим бўлди. Бунинг устида ишлаш керак. Диасга голли узатмам? Мен бўшлиқни кўрдим ва тўпни узатдим ва у буни аъло даражада якунлади", - деди нидерландиялик ярим ҳимоячи.
Эслатиб ўтамиз, Гравенберх ёзги трансфер ойнасида "Бавария"дан "Ливерпуль"га ўтган эди. Битим суммаси 40 миллион еврони ташкил қилди. 21 ёшли ярим ҳимоячининг "қизиллар" билан шартномаси 2028 йилнинг ўрталарига қадар тузилган.
