“Liverpul” yarim himoyachisi Rayan Gravenberx “qizillar” safida Yevropa ligasi doirasida LASKga qarshi o‘yindagi debyuti haqida gapirdi. Mersisaydliklar 3:1 hisobida g‘alabani nishonladi.
“Men yaxshi o‘ynadim, lekin ba’zida beparvo harakat qilgan paytlarim bo‘ldi. Buning ustida ishlash kerak. Diasga golli uzatmam? Men bo‘shliqni ko‘rdim va to‘pni uzatdim va u buni a’lo darajada yakunladi", - dedi niderlandiyalik yarim himoyachi.
Eslatib o‘tamiz, Gravenberx yozgi transfer oynasida "Bavariya"dan "Liverpul"ga o‘tgan edi. Bitim summasi 40 million yevroni tashkil qildi. 21 yoshli yarim himoyachining "qizillar" bilan shartnomasi 2028 yilning o‘rtalariga qadar tuzilgan.
