"Манчестер Юнайтед" ҳужумчиси Робин ван Перси янги клуби сафида кўрсатиши мумкин бўлган энг яхши ўйинини намойиш эта олганича йўқлигини билдирди.
"Сендан бошқалар умидвор бўлса, бу кишига қанот бағишлар экан. Мен бу ерда эканлигимдан хурсандман, "МЮ"дагилар эса мендек футболчиси борлигидан хурсанд. Лекин бу билан қаноатланмоқчи эмасман. Агар статистикага эътибор берсангиз (19 ўйинда 13 гол) ҳаммаси жойида эканлигига гувоҳ бўласиз. Бироқ, мен янада яхшироқ ўйнаб, жамоамга кўпроғини ҳадя этмоқчиман. Кўпроқ гол уриб, пас бериб – мавсумда нимагаки эришиш мумкин бўлса, барчасига эришишни истайман.
Биз унчалик яхши ўйин кўрсатмаётганимизни тан оламан, бироқ ғалаба қозонаяпмиз. Чемпионда биринчи ўриндамиз, чемпионлар Лигасида гуруҳда ғолиб бўлдик.
Бу — яхши, албатта, лекин ўйинимизни янада такомиллаштирмоғимиз даркор. Агар биз сафар ўйинларида жуфт-жуфт голларни ўтказиб юборишни бас қилсак, ҳамманинг елкасидан тоғ ағдарилади", — дея ван Персининг гапларини келтирмоқда ФИФА расмий сайти.
