Мадриднинг «Атлетико» клуби ярим ҳимоячиси Аксель Витсель Саудия Арабистони ва Хитой клубларига эҳтимолий трансферлари ҳақида гапирди.
34 ёшли бельгиялик, миш-мишларга кўра, август ойида Саудия клубларидан бирида ўйнаши мумкин эди, аммо «Атлетико»да ўйнашда давом этган.
«Футболчилар Саудия Арабистони ва Хитойга пул туфайли боришади. Айтишга ҳожат йўқ, ҳамма нарса лойиҳага боғлиқ.
Ҳар биримизнинг ўз йўлимиз бор ва мен Саудия Арабистонига ўтишни ёмон деб айтмайман. 27 ёшимда Хитойга кўчиб ўтдим, ҳаммаси яхши ўтди ва қимматли тажрибага эга бўлдим. Шубҳасиз, барчамиз пул учун гастролларга борамиз», - деди Витсель.
