Лондоннинг «Челси» клуби бош мураббийи Рафаэль Бенитес Англия чемпионатининг навбатдаги турида «Сандерленд»га қарши учрашувдан кейин ўз фикрлари билан ўртоқлашди.
«Жамоа бу ўйинга ажойиб тайёргарлик кўра олди. Бу учрашувда биз ўз кучимизга бўлган юксак ишончни кўрсата олдик. Футболчилар нима қилиш лозимлиги билишди».
«Қадам-бақадам биз ўз йўналишимизни тўғрилаб оламиз. Агар «Челси»нинг ҳар бир ўйинчисида ўз кучига бўлган ишонч бунданда юқорироқ бўлса, биз ғалабаларни қўлга кирита оламиз».
«Биз бугун яхши ўйин кўрсатдик. Айниқса биринчи бўлимда кўрсатган ўйинимиз кучли бўлди. «Сандерленд» фаол ўйин кўрсатди. Бироқ биз характер намойиш эта олдик».
«Мен олдинроқ айтгандим, агар жамоа вазиятларни яратиб берса, Торрес гол уришни бошлайди, деб. Бугун биз Торресда ўзига бўлган ишончни кўрдик. Мен унинг ўйини кўриб таҳлил қилиб чиқдим ва бир неча керакли маслаҳатларни бергандим. Унинг ишончи ва майдонда тўғри жой танлай олиши бунга исбот бўла олди. Энг муҳими, энди у ўзига бўлган ишончни қайтариб олди», дея Бенитеснинг сўзларидан иқтибос келтирмоқда «Челси» расмий сайти.