Мюнхеннинг "Бавария" клуби январь ойида фаол трансфер кампаниясини ўтказмоқчи, бу ҳақда Bayern & Germany нашри хабар бермоқда.
Манбанинг хабар беришича, немис топ-клуби асосий эътиборни таянч ярим ҳимоячи ва ўнг қанот ҳимоячиси сотиб олишга қаратади. "Бавария"нинг потенциал ўйинчилари номи ҳозирча номаълум.
Сўнгги ўйинда Томас Тухель шогирдлари Германия чемпионатида "Бохум" билан учрашди. Мюнхенликлар 7:0 ҳисобида зафар қучди.
Германия чемпионатининг беш туридан сўнг “Бавария” 13 очко жамғариб, қўшимча кўрсаткичлар бўйича иккинчи ўриндаги “Байер”ни ортда қолдириб, турнир жадвалида пешқадамлик қилмоқда.
