Ҳужумчи Марко Арнаутович сонидан жароҳат олиб, “Интер” шифохонасига ётқизилди. Sky нашри хабарига кўра, австриялик футболчи 45 кундан икки ойгача майдонга туша олмайди. Манбанинг қайд этишича, Арнаутовичнинг 26 ноябрга белгиланган "Ювентус"га қарши ўйинга қайтиши мумкин.
"Интер"га ўтганидан сўнг Марко Арнаутович еттита ўйин ўтказишга муваффақ бўлди. Австриялик уларда гол ура олмади, бироқ шеригига битта самарали узатмани амалга ошира олди.
“Интер” айни дамда Италия чемпионати турнир жадвалида ўтган бешта ўйиннинг барчасида ғалаба қозонган ҳолда пешқадамлик қилмоқда.
