Аргентиналик ҳужумчи Николас Гонсалес "Фиорентина" билан янги узоқ муддатли шартномага рози бўлди.

Машҳур инсайдер Фабрицио Романонинг сўзларига кўра, томонлар шартнома шартларини келишиб олишган ва имзолашга ҳозирлик кўрмоқда. Ўтган ёзда "бинафшаранглилар" раҳбарияти "Брентфорд"нинг вингер бўйича 40 миллион евродан ортиқ таклифини рад этганди. Маълум қилинишича, талаб юқори бўлгани учун футболчи яхшиланган шартнома билан тақдирланади.

Гонсалес 2021 йилдан бери "Фиорентина" сафида тўп тепади ва барча мусобақаларда 86 та ўйинда 26 та гол урди.