Журналист Пирс Морган "Манчестер Юнайтед" ярим ҳимоячиси Жейдон Санчога жамоа бош мураббийи Эрик тен Хагдан кечирим сўраш тавсия этилгани ҳақидаги хабарга изоҳ берди.
"Тен Хаг ўз футболчиларини камситишни яхши кўради, унинг мураббийлик хатолари эса клубни камситишда давом этмоқда", - дея хабар қолдирган журналист ижтимоий тармоқларда.
Англия премьер-лигасининг жорий мавсумида Жейдон учта ўйин ўтказиб, гол ура олмади. 23 ёшли вингер “қизил иблислар” сафига 2021 йилнинг ёзида келиб қўшилганди. Футболчининг манкунианликлар билан тузган меҳнат шартномаси 2026 йилнинг июн ойи охиригача амал қилади.
