«Милан»нинг собиқ ҳужумчиси Златан Ибраҳимович «Милан» раҳбариятига ўтиши мумкин.
Calciomercato хабарига кўра, собиқ футболчи «россонерилар» хўжайини Герри Кардинале билан учрашган ва у билан клуб тизимидаги мумкин бўлган ишни муҳокама қилган. Бироқ, манба берган хабарларга кўра тафсилотлар ҳозирча маълум эмас.
Эслатиб ўтамиз, аввалроқ Ибраҳимович Стефано Пиоли мураббийлар штабига қўшилиши мумкинлиги ҳақида маълумотлар пайдо бўлганди.
Швециялик форвард 2010 йилдан 2012 йилгача ва 2020 йилдан 2023 йилгача «Милан»да ўйнаган. Ўтган ёзда Ибраҳимович футболчи сифатида фаолиятини якунлашини эълон қилган эди.
