2022 йилнинг май ойида франциялик ҳужумчи Килиан Мбаппе Жанубий Америка футболини Европа футболидан ёмонроқ деб билишини айтганди.
Энди унга Эквадор терма жамоаси устози Густаво Альфаро жавоб беришга қарор қилди.
«Гвардиола бошқа, Моуриньо бошқача услубда ишлашини ҳамма билади. Мбаппе, кел биз билан ўйна. Китодек денгиз сатҳидан баланд шаҳарда, Ла Паснинг нозик ҳавосида баландликда ўйнаб кўр.
Чили, Парагвай ва Венесуэла яхши йўналишда ўйнаб келмоқда. Уругвай дунёга кўплаб ажойиб футболчиларни тақдим этди ва бу жуда кичик мамлакат учун катта ютуқдир», - дея Альфаронинг сўзларини келтиради derbyderbyderby.it.
