"Манчестер Юнайтед" вингери Жэйдон Санчо фаолиятини Италияда давом эттириши мумкин.
23 ёшли футболчи бош мураббий Эрик тен Хаг билан жанжаллашиб қолди, натижада у номаълум муддатга жамоа машғулотларидан четлаштирилди. Бошқа клублар эса қишки трансфер ойнаси очиладиган январь ойида инглизни ўз сафига тортишни режалаштириб, вазиятдан фойдаланишга тайёр. Football Italia хабарига кўра, Санчо учун даъвогарлар орасида "Рома" ҳам бор. Қайд этилишича, “бўрилар” бош мураббийи Жозе Моуриньо Transfermarkt портали томонидан 45 миллион еврога баҳоланган футболчини таклиф қилишдан мамнун бўларди.
Агар тен Хаг билан муроса топилмаса, "Манчестер Юнайтед" Жэйдон Санчони ижарага бериши ёки шартномасини бекор қилиши мумкин.
