"Manchester Yunayted" vingeri Jeydon Sancho faoliyatini Italiyada davom ettirishi mumkin.
23 yoshli futbolchi bosh murabbiy Erik ten Xag bilan janjallashib qoldi, natijada u noma’lum muddatga jamoa mashg‘ulotlaridan chetlashtirildi. Boshqa klublar esa qishki transfer oynasi ochiladigan yanvar oyida inglizni o‘z safiga tortishni rejalashtirib, vaziyatdan foydalanishga tayyor. Football Italia xabariga ko‘ra, Sancho uchun da’vogarlar orasida "Roma" ham bor. Qayd etilishicha, “bo‘rilar” bosh murabbiyi Joze Mourinyo Transfermarkt portali tomonidan 45 million yevroga baholangan futbolchini taklif qilishdan mamnun bo‘lardi.
Agar ten Xag bilan murosa topilmasa, "Manchester Yunayted" Jeydon Sanchoni ijaraga berishi yoki shartnomasini bekor qilishi mumkin.