"Бавария" ярим ҳимоячиси Жамол Мусиала Германия терма жамоаси бош мураббийлигидан Ханс-Дитер Флик бўшатилгани ҳақидаги фикри билан ўртоқлашди.
58 ёшли мутахассис 10 сентябрь куни Япония терма жамоаси билан ўртоқлик ўйинида (1:4) мағлуб бўлгач, истеъфога чиқарилган эди. Германия терма жамоасида Фликнинг ўрнига "Бавария"нинг яна бир собиқ мураббийи Юлиан Нагельсманн иш бошлади.
"Флик менга «Бавария»да ишонди - айнан унинг қўл остида мен дебют қилганман. Мен у билан доим очиқ гаплаша олардим. У ёш ўйинчи ўзига ишонч ҳосил қилиши учун нима қилиш кераклигини жуда яхши билади. Унинг ишдан бўшатилганидан жуда афсусдаман ва унга фақат энг яхши тилакларимни айтишим мумкин", - деди 20 ёшли футболчи SportBild нашрига берган интервьюсида.
