ЦСКА ярим ҳимоячиси Аббосбек Файзуллаевнинг биринчи мураббийи Дмитрий Ан футболчига Москва клубига ўтишни маслаҳат берганини айтди.
"Мен унинг Россиядаги муваффақиятларини кузатиб бораманми? Албатта, Ўзбекистонда хусусий компаниялар бор, улар орқали қўшимча каналларни, жумладан, "Матч ТВ"ни томоша қилиш мумкин ва улар орқали Россия чемпионати ўйинларини томоша қиламан. Аббоснинг ЦСКАдаги стартини муваффақиятли деб аташ мумкин, у жамоага яхши сингиб кетди. Терма жамоа саралаш ўйинлари вақтида Аббос Ўзбекистонга келди, у билан учрашиб, мулоқот қилишга муваффақ бўлдик. У муваффақиятга эришаётганидан жуда хурсандман. Ҳозир дўстларим Файзуллаевнинг муваффақиятли ўйинларидан кейин менга тез-тез хат ёзишади ва табриклашади.
Аббосбек қачон ЦСКАни танлаган? ЦСКАга ўтишдан бироз олдин Аббос билан учрашдик, ўша пайтда у ҳали якуний қарорга келмаган эди, лекин мен унга ЦСКАга ўтишни маслаҳат бердим. У: "Мен Европага боришни хоҳлайман", деди. Мен унга жавоб бердим: "Аббос, сенда ҳозирда Европа чемпионатларидан ҳеч қандай таклиф йўқ, ЦСКА ажойиб трамплин бўлади." Қолаверса, Россияда футбол савияси Ўзбекистонникидан юқори, деганман”, — деди Ан Metaratings.ru билан суҳбатда.
Файзуллаев 2023 йилнинг августида “Пахтакор”дан ЦСКАга ўтган эди. Трансфер суммаси 500 минг еврони ташкил этди. 19 ёшли ярим ҳимоячининг клуб билан тузган шартномаси 2026 йилнинг ёзига қадар амал қилади. Transfermarkt портали Файзуллаевни 750 минг еврога баҳоламоқда.
Жорий мавсумда Файзуллаев барча турнирларда олтита ўйин ўтказиб, битта гол урди ва битта голли узатмани амалга оширди.
