«РБ Лейпциг» ҳужумчиси Луи Опенда Германия чемпионати доирасидаги «Бавария»га қарши ўйиндан умидлари билан ўртоқлашди.
Эслатиб ўтамиз, мавсум бошида «қизил буқалар» Германия Суперкубогида Томас Тухель шогирдларини мағлуб этишганди (3:0).
«Ким фаворит бўлиши муҳим эмас. Суперкубок ажойиб ўтди, аммо биз яна «Бавария»ни мағлуб этишни истаймиз.
«Бавария» учун имкон қадар «Лейпциг» сафари қийин бўлиши учун барча имкониятларни ишга солишга ҳаракат қиламиз.
Стадионимизда ўзимиздан бошқа ҳеч ким ўзини қулай ҳис қилмаслиги керак», - дея Опенданинг сўзларини келтиради Bild.
