Келаси ёзда «ПСЖ» ҳимоячиси Преснель Кимпембе учун трансфер бозорида жиддий кураш бўлиши мумкин.
Футболчи аввалроқ хабар қилинганидек, «Реал Мадрид»нинг нишонига тушган. Маълумотларга кўра, мадридликлар 28 ёшли футболчининг агенти билан аллақачон алоқага чиққан.
Шу билан бирга, Todofichajes нашрининг хабар беришича, Кимпембега «Барселона» ҳам қизиқиш билдирмоқда.
Манба берган хабарга кўра, «кўк-анорранглилар» бош мураббийи Хави ушбу футболчини ўз жамоасида кўришни истайди.
Каталония клуби ҳали Кимпембега расмий таклиф билан чиққани йўқ, аммо яқин ойларда буни амалга ошириши мумкин.
Айтиш жоизки, Преснел Кимпембенинг «ПСЖ» билан амалдаги шартномаси 2024 йилнинг июнь ойи охиригача мўлжалланган. Яъни футболчини ёзда текинга қўшиб олиш мумкин бўлади.
