Kelasi yozda «PSJ» himoyachisi Presnel Kimpembe uchun transfer bozorida jiddiy kurash bo‘lishi mumkin.

Futbolchi avvalroq xabar qilinganidek, «Real Madrid»ning nishoniga tushgan. Ma’lumotlarga ko‘ra, madridliklar 28 yoshli futbolchining agenti bilan allaqachon aloqaga chiqqan.

Shu bilan birga, Todofichajes nashrining xabar berishicha, Kimpembega «Barselona» ham qiziqish bildirmoqda.

Manba bergan xabarga ko‘ra, «ko‘k-anorranglilar» bosh murabbiyi Xavi ushbu futbolchini o‘z jamoasida ko‘rishni istaydi.

Kataloniya klubi hali Kimpembega rasmiy taklif bilan chiqqani yo‘q, ammo yaqin oylarda buni amalga oshirishi mumkin.

Aytish joizki, Presnel Kimpembening «PSJ» bilan amaldagi shartnomasi 2024 yilning iyun oyi oxirigacha mo‘ljallangan. Ya’ni futbolchini yozda tekinga qo‘shib olish mumkin bo‘ladi.