Кеча бўлиб ўтган "Бетис" – "Барселона" ўйинининг (1:2) биринчи бўлимида каталонияликлар форварди Лионель Месси дубльга эришиб, 2012 йилдаги голларини сонини 86 тага етказиб олди ва 1972 йилда немис футболчиси Герд Мюллер томонидан ўрнатилган рекорд (85 гол)ни янгилади.

Эскирган рекорд соҳиби, афсонавий футболчи Герд Мюллер бу ҳақда ўз фикрларини қуйидаги тарзда баён эди:

"Рекордим 1972 йилдан буён ўтган 40 йил ичида янгиланмаган эди. Ўшанда мен 60 та ўйинда 85 гол киритишга муваффақ бўлган эдим. Энди эса жаҳоннинг айни дамдаги энг яхши футболчиси уни янгилади. Мен Мессининг хурсандчилигига шерикман. У ўхшаш йўк футболчи, профессионал! Шу ҳолда ҳам, Лионель хайрихоҳ ва камтар йигит. Унинг ягона камчилиги эса – "Бавария" сафида тўп сурмаётганлигидир.

Ишонаманки, у 2012 йилнинг қолган ўйинларида ҳам яна бир неча голлар уради. Унинг рекорди ҳам 40 йил янгиланмай туришини истайман".