Суперлига 20-турида ўз уйида “Бухоро”ни мағлуб этган “Нефтчи” клуби бош мураббийи Виталий Левченко ғалаба, Никабадзе ва навбатдаги ўйин ҳақида фикр билдирди.

“Дастлабки дақиқалар бироз қийин кечди. Ўйинлар орасидаги танаффусда бироз тонусни йўқотдик менимча. Бироз ҳаяжон ва босим ҳам бўлди. Ўйин давомида устунликни қўлга олдик, ҳужумлар уюштирдик, вазиятлар яратдик ва ғалаба қозондик ”, - деди Левченко.

“Айтганимдек, орадаги танаффус барибир билинади. Футболчиларга ритм ва тезлик этишмади, шекилли. Ҳайрият, ўйин давомида жамоанинг тажрибали футболчилари катта саҳнага чиқиб вазиятни ўнглай олишди. Ўйин бошида бизга бироз қийин бўлди. Ўйин эса мухлисларга ёқди деб ўйлайман”.

“Никабадзе бошқа футболчилар сингари ўз функитсонал мажбуриятларини бажармоқда. Ҳар бир футболчи ўзига юклатилган юкламаларни астойдил бажармоқда. Никабадзе ҳам шундай. Бугун иккита гол урди. Учинчисини ҳисоблашмади. Уни илк голлари билан табрикладим. Бугун лигада почин қилди. Ўйлайманки, энди кейинги ўйинларда янада ишонч билан ўйнайди”.

“Насаф” жуда кучли ва юқори савиядаги жамоа. Чемпионатнинг энг кучли амбицияга эга жамоаларидан биридир. Улар ҳақида этарлича биламиз. Ўйинни қандай олиб бориши, кучли ва муаммоли томонларини биламиз. Ишонтириб айтишим мумкин, уларга қарши жанг қиламиз”