Superliga 20-turida o‘z uyida “Buxoro”ni mag‘lub etgan “Neftchi” klubi bosh murabbiyi Vitaliy Levchenko g‘alaba, Nikabadze va navbatdagi o‘yin haqida fikr bildirdi.

“Dastlabki daqiqalar biroz qiyin kechdi. O‘yinlar orasidagi tanaffusda biroz tonusni yo‘qotdik menimcha. Biroz hayajon va bosim ham bo‘ldi. O‘yin davomida ustunlikni qo‘lga oldik, hujumlar uyushtirdik, vaziyatlar yaratdik va g‘alaba qozondik ”, - dedi Levchenko.

“Aytganimdek, oradagi tanaffus baribir bilinadi. Futbolchilarga ritm va tezlik etishmadi, shekilli. Hayriyat, o‘yin davomida jamoaning tajribali futbolchilari katta sahnaga chiqib vaziyatni o‘nglay olishdi. O‘yin boshida bizga biroz qiyin bo‘ldi. O‘yin esa muxlislarga yoqdi deb o‘ylayman”.

“Nikabadze boshqa futbolchilar singari o‘z funkitsonal majburiyatlarini bajarmoqda. Har bir futbolchi o‘ziga yuklatilgan yuklamalarni astoydil bajarmoqda. Nikabadze ham shunday. Bugun ikkita gol urdi. Uchinchisini hisoblashmadi. Uni ilk gollari bilan tabrikladim. Bugun ligada pochin qildi. O‘ylaymanki, endi keyingi o‘yinlarda yanada ishonch bilan o‘ynaydi”.

“Nasaf” juda kuchli va yuqori saviyadagi jamoa. Chempionatning eng kuchli ambisiyaga ega jamoalaridan biridir. Ular haqida etarlicha bilamiz. O‘yinni qanday olib borishi, kuchli va muammoli tomonlarini bilamiz. Ishontirib aytishim mumkin, ularga qarshi jang qilamiz”