"Ливерпуль" бош мураббийи Юрген Клопп жамоасининг навбатдаги иродали ғалабаси ҳақида фикр билдирди.
"Мерсисайдликлар" Англия лига кубоги 1/16 финалида “Лестер”ни мағлуб этишди (3:1). Улар учун бу иродали ғалаба мавсум бошидан бери 5-ғалаба бўлди.
"Яна биз билан содир бўлди. Менга бу ёқмайди, лекин бу содир бўлди ва барчаси футболчиларнинг муносабатига боғлиқ. Учрашувни унчалик яхши бошламадик, лекин биз жуда кўп вазиятлар яратдик, Гол киритиш қийин бўлган вазиятларни яратдик, аммо гол уришни уддаладик. Кўплаб зарбаларимизни уларнинг дарвозабони ва дарвоза устуни қайтарди.
Танаффусда ҳаммаси аён бўлди: мен жамоага ижобий муносабатда бўлишни ва бошқа нарса изламасликни, балки аллақачон қилаётган ишни давом эттиришни айтдим. Ҳаммаси шундай бўлди - биз натижага эришдик", - деди Клопп клуб матбуот хизматига.
