Лондоннинг "Челси" жамоасида ўйнаётган ҳужумкор ярим ҳимоячи Михаил Мудрик ҳалигача “кўклар” сафида расмий ўйинларда дебют голини ура олмаяпти. Украиналик футболчи 1000 дақиқадан кўпроқ вақт давомида инглизлар сафида гол ура олмаяпти.
Эслатиб ўтамиз, Михаил "кўклар" сафига январдаги трансфер ойнасида кўчиб ўтганди. Битим суммаси 70 миллион еврони ташкил этди. Лондонликлар бонус сифатида яна 30 миллион тўлайди.
Мудрик ва "кўклар" ўртасидаги амалдаги шартнома муддати 2031 йилнинг ўрталарига қадар ҳисобланган.
Англия Премьер-лигасининг жорий мавсумида украиналик футболчи бешта ўйин ўтказди.
