Саудия Арабистони маҳаллий чемпионатга юқори даражадаги ҳакамларни таклиф қилмоқчи.
The Times нашри хабарига кўра, лига вакиллари Премьер-лига ва бошқа Европа лигалари ҳакамлари билан боғланиб, уларга Саудия Арабистонида тўлиқ ишлашни таклиф қилишган. Қайд этилишича, улар ЖЧ-2022да ишлаган ҳакамлар билан ҳам боғланишган.
Юлдуз футболчилар келгани сабабли маҳаллий ҳакамлар босим кучайишига дош беролмайди, деган хулосага келишган саудияликлар.
Премьер-лигадаги ҳакамлар йилига 120 минг фунт стерлингдан 300 минг фунтгача маош олади, аммо Саудия чемпионатидаги ҳакамлар кўпроқ маош олиши кутилмоқда.
