Мана 2012 йил футбол мавсуми ҳам якунига етиб, барча клубларимизда футболчилар таътили давом этмоқда. Яна ўн кундан сўнг футболчилар ўз клубларида йиғилиб, кимлардир шартномалар имзолайди, кимлардир ўз жамоалрини тарк этади.

Ушбу жараённи ҳар бир жамоа мухлислари катта ҳадик ва ҳаяжон билан кузатишади. Лекин шунгача ҳам кўпгина мухлисларнинг сабри чидамайди. Бу ҳақда олдиндан билгиси келади.

Биз “Насаф” ПФК матбуот хизмати билан ҳамкорликда ана шуларни ҳисобга олиб, “Насаф”нинг ўйинчилари билан мухлислар ўртасида савол-жавоблар ўтказишга қарор қилдик. Қайси ўйинчига ўзингизнинг қандай қизиқтирган саволингиз бўлса, info@voha.uz ва ren_er@mail.ru  электрон почта манзилларига ёзиб юборинг. Саолларни ҳозирдан бошлаб, 13 декабрь эрталаб соат 9.00 гача қабул қиламиз. Жавоблар ҳам ўша куни сайтимизда эълон қилинади.

Агар ушбу лойиҳамиз мухлислар ўртасида қизиқиш ўйғотса, яъни шунга зарурият пайдо бўлса, сайтимизда доимий фаолият кўрсатадиган конференция бўлимини ишга тушириш ниятимиз бор. Кўриниб турибдики, бу орқали Сиз ўзингизнинг қизиқтирган саволларингизга мавсум давомида жавоблар олишингиз имкони тўғилади.

Фақат мухлислардан бир нарсани илтимос қиламиз, саволлар одоб доирасида, эҳтиросларга берилмасдан аниқ ва равшан бўлиши керак. Саволларни ўзбек ва рус тилида беришингиз мумкин. Савол эгаси ўзининг исми шарифини кўрсатишини илтимос қиламиз.

“Насаф” ПФК матбуот хизмати ва voha.uz маъмурияти