«Манчестер Юнайтед»нинг собиқ футболчиси Димитар Бербатов Жейдон Санчонинг асосий таркибдан четлатилиши билан боғлиқ вазият ҳақида гапирди.

Хабарингиз бор, Санчо клуб уни айбдор қилиб қўяётгани ва шундан сўнг қилган хатти-ҳаракатлари учун дисквалификация қилинган эди.

Сал олдинроқ Эрик тен Хаг Санчо яхши машғулот ўтказмагани ва шунинг учун таркибга киритилмаганини айтганди.

«Баъзида футболчи ўз қадрини ошириб юборади. Роналду бўлса, ҳаммаси бошқача, чунки у клубда ҳамма нарсага эришган.

Менимча, Санчо ўз қадрини ошириб юбормоқда. У «Манчестер Юнайтед» билан кўп совринларни қўлга кирита олмаган, шунинг учун клуб ундан осонлик билан қутулиши мумкин эди.

Қанчалик истеъдодли бўлса ҳам, у «Манчестер Юнайтед»да ҳали ҳеч нарса кўрсатгани йўқ», – деди Бербатов.