«Реал» «Атлетико» мухлислари томонидан ҳақорат қилинган қизни қўллаб-қувватлади.

Ла Лиганинг 6-туридан ўрин олган Мадрид дербиси олдидан «матрасчилар» мухлислари «Реал» вингери Винисиус Жуниорнинг либосини кийган қора танли аёл ва унинг фарзандига ҳужум қилгани хабар қилинганди. Мухлислар аёлга нисбатан ҳақоратлар ишлатган. Жабрланувчилар қўрқувдан йиғлаб юборган.

8 ёшли қизнинг аммаси жиянига ўлдириш билан боғлиқ таҳдидлар бўлгани ва уни «маймун» деб аташганини таъкидлайди.

«Реал» қизни ва унинг оиласини «Лас-Пальмас»га қарши баҳсга (2:0) таклиф қилган. Мухлислар Мадрид клубининг бир неча футболчиси ва президент Флорентино Перес билан кўришишга муваффақ бўлган. Шунингдек, қизга футболчиларнинг дастхатлари туширилган либос ҳам совға қилинган.