Яқинда пойтахтимиз Тошкент шаҳрида футбол мураббийлари учун «А» лицензиясига ўқишнинг навбатдаги курслари бошланди. Бу сафар ўқув жараёни икки қисмдан иборат бўлади. Дастлабки қисм 28 декабргача давом этса, янги йилдан кейин бошланадиган иккинчи қисм 7-14 январь кунлари бўлиб ўтади.
Айни пайтда мазкур ўқув-курсларида «Шўртан» футбол маркази катта мураббийи Баҳодир Шоймардонов ҳам иштирок этмоқда. Бизга маълум бўлишича, ўқишда 16 нафар тингловчи қатнашмоқда. Улар орасида Жамшид Ботиров, Аҳмаджон Мусаев, Камол Жўнашев, Даврон Файзиев, Бахтиёр Ашурматов, Хорен Оганесян, Бахтиёр Саидов сингари мураббийлар бор.