"Ювентус" ва "Сассуоло" ёзги трансфер ойнасида Доменико Берардининг трансфери шартлари бўйича келиша олишмади.
Хабарингиз бор, туринликлар август ойида 29 ёшли вингерни сотиб олишга уринган, бироқ Нероверди раҳбариятини ишонтира олмаган. TMW хабарига кўра, "кекса синьора" Берарди трансфери учун Матиас Суле ёки Самуэль Илинг ва 20 миллион евро таклиф қилган. "Сассуоло" алмашинувга рози бўлди, бироқ ўз юлдузи учун 27 миллион евро талаб қилди - "Ювентус"ни бундай шартлар қониқтирмади.
Жорий мавсумда Доменико Берарди А Сериянинг 4 та учрашувида 4 та гол урди ва битта голли узатмани амалга оширди.
