"Севилья" ярим ҳимоячиси Иван Ракитич "Барселона"дан учралган мағлубиятдан сўнг (0:1) Каталония клуби дарвозабони Марк-Андре тер Штегеннинг ўйини ҳақида гапирди.
"Ўйин кескин ўтди, биз кутгандек бўлди. Бизда гол уриш учун имкониятлар бўлди, аммо улардан фойдалана олмадик. Бундай ўйинларда ҳамма нарса кичик деталларга боғлиқ. Рақибимизнинг индивидуал маҳорати юқорироқ эди.
Тер Штеген - юқори тоифали дарвозабон. У дунёнинг энг яхши дарвозабонларидан бири. Кеча Марк-Андре ўзининг қанчалик кучли эканлигини кўрсатди", - деди "Барселона"нинг хорватиялик собиқ футболчиси.
Эслатиб ўтамиз, "Барселона" Серхио Рамоснинг автоголи эвазига ғалаба қозонганди.