Испания чемпионатининг 8-тури доирасида пешқадамлар — «Жирона» ва «Реал» жамоалари Каталонияда тўқнаш келишди.

Мезбонлар дастлабки 15 дақиқа давомида рақиб дарвозаси томон кетма-кет ҳужумлар ташкил қилди. Аммо гол уриш мадридликларга насиб этди. Баҳснинг 17-дақиқасида Хоселунинг зарбасидан кейин тўп "Жирона" дарвозасига бориб тушди.

"Реал" эса "иссиғи"да иккинчи голни уриб олди. Бу сафар Тчуамени зафар қучди.

Каталонияликлар иккинчи бўлимда тўп яхши назорат қилиб, "Реал" жарима майдони атрофида ўз бахтини қидирди. Аммо гол уриш яна Анчелотти шогирдларига насиб этди. Бу сафар "Қироллик клуби"нинг қарши ҳужумини Жуд Беллингем гол билан якунлади.

"Реал" ушбу ғалабадан кейин ўз очколарини 21тага етказиб, Ла лига пешқадамлигини ўз қўлига олди. "Жирона" эса 3-ўринга тушиб қолди.

Испания Ла лигаси, 8-тур
Жирона – Реал Мадрид 0:3 (0:2)
Голлар: 0:1 – 17 Хоселу, 0:2 – 21 Тчуамени, 0:3 – 71 Беллингем.
Жирона – Гассанига, Ян Коуто, Блинд, Эрик Гарсия, Мигель Гутьеррес, Давид Лопес (Порту, 60), Алеиш Гарсия, Эррера (Солис, 87), Циганков (Фернандес, 46), Довбик (Стуани, 60), Савио (Торре, 79).
Реал Мадрид – Аррисабалага, Карвахаль, Начо, Рюдигер, Камавинга, Кроос, Вальверде (Браим Диас, 87), Тчуамени, Беллингем (Себальос, 74), Винисиус Жуниор (Родриго, 68), Хоселу (Васкес, 87).
Огоҳлантиришлар: Эрик Гарсия (64), Аррисабалага (84), Рюдигер (90), Стуани (90).
Четлатиш: Начо (90+3).