Ispaniya chempionatining 8-turi doirasida peshqadamlar — «Jirona» va «Real» jamoalari Kataloniyada to‘qnash kelishdi.

Mezbonlar dastlabki 15 daqiqa davomida raqib darvozasi tomon ketma-ket hujumlar tashkil qildi. Ammo gol urish madridliklarga nasib etdi. Bahsning 17-daqiqasida Xoseluning zarbasidan keyin to‘p "Jirona" darvozasiga borib tushdi.

"Real" esa "issig‘i"da ikkinchi golni urib oldi. Bu safar Tchuameni zafar quchdi.

Kataloniyaliklar ikkinchi bo‘limda to‘p yaxshi nazorat qilib, "Real" jarima maydoni atrofida o‘z baxtini qidirdi. Ammo gol urish yana Anchelotti shogirdlariga nasib etdi. Bu safar "Qirollik klubi"ning qarshi hujumini Jud Bellingem gol bilan yakunladi.

"Real" ushbu g‘alabadan keyin o‘z ochkolarini 21taga yetkazib, La liga peshqadamligini o‘z qo‘liga oldi. "Jirona" esa 3-o‘ringa tushib qoldi.

Ispaniya La ligasi, 8-tur
Jirona – Real Madrid 0:3 (0:2)
Gollar: 0:1 – 17 Xoselu, 0:2 – 21 Tchuameni, 0:3 – 71 Bellingem.
Jirona – Gassaniga, Yan Kouto, Blind, Erik Garsiya, Migel Gutyerres, David Lopes (Portu, 60), Aleish Garsiya, Errera (Solis, 87), Sigankov (Fernandes, 46), Dovbik (Stuani, 60), Savio (Torre, 79).
Real Madrid – Arrisabalaga, Karvaxal, Nacho, Ryudiger, Kamavinga, Kroos, Valverde (Braim Dias, 87), Tchuameni, Bellingem (Sebalyos, 74), Vinisius Junior (Rodrigo, 68), Xoselu (Vaskes, 87).
Ogohlantirishlar: Erik Garsiya (64), Arrisabalaga (84), Ryudiger (90), Stuani (90).
Chetlatish: Nacho (90+3).