Польша терма жамоаси ва Каталониянинг «Барселона» клуби ҳужумчиси Роберт Левандовски Саудия Арабистони чемпионати клубларининг қизиқишлари доирасига тушишда давом этмоқда.
Sport.es журналистларининг маълумотларига кўра, номлари эълон қилинмаган Саудиянинг бир қанча клублари тўпурар билан шартнома имзоламоқчи.
Эслатиб ўтамиз, сўнгги трансфер ойнасида Левандовски Саудия Арабистонидан жозибали таклифлар олган, аммо рад жавобини берганди.
Испания чемпионатининг жорий мавсумида Роберт саккизта ўйин ўтказиб, бешта гол урди ва учта голли узатмани амалга оширди. Унинг трансфер нархи 30 миллион еврога баҳоланмоқда.
