"Бавария" ҳужумчиси Харри Кейн жамоаси сафарда "Лейпциг"ни мағлуб эта олмаган Германия чемпионати 6-тур ўйинидан сўнг ўз фикрларини билдириб ўтди. Кейн бутун 90 дақиқани майдонда ўтказди ва битта гол урди.
“Биз яхшироқ иш қила олишимизни биламиз. Ҳар дақиқада биргаликда курашиш муҳим! Меҳмондаги ажойиб қўллаб-қувватлаш учун мухлисларга раҳмат", - деб пост қолдирди ижтимоий тармоқдаги саҳифасида.
Жорий мавсумда 30 ёшли ҳужумчи барча мусобақаларни ҳисобга олган ҳолда саккизта ўйинда тўққизта гол урди ва тўртта голли узатмани амалга оширди.
Олти турдан кейин “Бавария” 14 очко билан Германия чемпионатида учинчи ўринни эгаллаб турибди. Айтиш жоизки, мюнхенликлар сўнгги учта ўйинда иккинчи дурангга эришган.
