"Рома" ҳужумчиси Пауло Дибала А Серия доирасида "Фрозиноне"га қарши ўйин бошланишидан олдин ўз фикрларини билдириб ўтди.

Жозе Моуриньо шогирдлари аввалги турда “Женоа”дан учралган мағлубиятдан сўнг (1:4) ўзини тиклашга ҳаракат қилади. Чемпионатнинг олти ўйинидан сўнг римликлар бор-йўғи беш очкога эга.

“Жадвалдаги ҳолатга қарасак, биз режалаштирган жойда эмасмиз. Аммо мавсум эндигина бошланди ва биз вазиятни тўғирлашни бугундан бошлашимиз керак. Ҳар биримиз клуб, мураббий ва мухлислар учун тиришқоқлик кўрсатишимиз керак", - деди аргентиналик футболчи ўйиндан олдин DAZN нашрига берган интервьюсида.